આજે ધોરણ 10નું પરિણામ જાહેર: કચ્છ જિલ્લાનું પરિણામ 86.40 ટકા

ગાંધીધામ ટુડે, ન્યૂઝ : ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા આજે જાહેર થયેલા ધોરણ 10ના પરિણામમાં કચ્છ જિલ્લાએ ઉત્કૃષ્ટ દેખાવ કર્યો છે. જિલ્લાનું કુલ પરિણામ 86.40 ટકા નોંધાયું છે.

કચ્છના તેજસ્વી વિદ્યાર્થીઓએ પણ મેદાન માર્યું છે, જેમાં કુલ 563 વિદ્યાર્થીઓએ A1 ગ્રેડ મેળવ્યો છે. આ સાથે, કચ્છ જિલ્લાએ રાજ્યના ટોપ ટેનમાં સ્થાન મેળવ્યું છે અને દસમો ક્રમ હાંસલ કર્યો છે.

આ વર્ષે જિલ્લામાંથી કુલ 20,687 વિદ્યાર્થીઓએ ધોરણ 10ની પરીક્ષા માટે નોંધણી કરાવી હતી, જેમાંથી 20,344 વિદ્યાર્થીઓએ પરીક્ષા આપી હતી. જેમાંથી 17,577 વિદ્યાર્થીઓ સફળતાપૂર્વક પાસ થયા છે. કચ્છ જિલ્લાની 118 શાળાઓએ તો 100 ટકા પરિણામ મેળવીને પોતાની શ્રેષ્ઠતા સાબિત કરી છે.

કેન્દ્રવાર પરિણામ