ગાંધીધામ ટુડે, ન્યૂઝ : કચ્છ જિલ્લામાં પોલીસે જુગાર વિરુદ્ધ કડક કાર્યવાહી કરી છે. અંજાર, ગાંધીધામ, શિણાય અને આડેસર જેવા વિવિધ વિસ્તારોમાં દરોડા પાડીને કુલ 44 જુગારીઓને ઝડપી પાડવામાં આવ્યા છે. આ દરોડામાં રોકડ અને અન્ય મુદ્દામાલ જપ્ત કરવામાં આવ્યો છે.
અંજારમાં ધાણીપાસા વડે જુગાર રમતા 7 ઝડપાયા
This Article Includes
અંજારના સતાપર ફાટકથી તળાવડી વિસ્તારમાં આવેલા દેવીપૂજકવાસમાં પોલીસે છાપો મારીને રાજુ વેલજી દાતણિયા, હીરા કાનજી સથવારા, રાજેશ બહાદુર દેવીપૂજક, દિલીપ ડાંગર સથવારા, પ્રકાશ ભીખુ સથવારા, અનવર ઈબ્રાહીમ ખોખર અને રાજુ કાંતિ સથવારાને ધાણીપાસા વડે જુગાર રમતા ઝડપી પાડ્યા હતા. તેમની પાસેથી રૂ. 39,500 રોકડા જપ્ત કરવામાં આવ્યા હતા.
ગાંધીધામમાં ત્રણ દરોડામાં 25 જુગારીઓની ધરપકડ
ગાંધીધામમાં પોલીસે ત્રણ જુદા-જુદા દરોડા પાડીને કુલ 25 જુગારીઓને પકડી પાડ્યા હતા.
- નવી સુંદરપુરી તળાવડી વિસ્તાર: ત્રિકમસાહેબ મંદિર નજીક પત્તા ટીંચતા રણછોડ મીઠા પરમાર, અમરત દલા સોલંકી, દિનેશ મગા પરમાર, રાહુલ કુબેર વણકર, મહેન્દ્ર જે. વાઘેલા, પ્રકાશ મગા વણકર, અમરત કરશન મકવાણા, રવિ જેઠા વાઘેલા, બાબુ પચાણ સોલંકી, મુકેશ ગાંગજી સિંધવ, દીપક ઈશ્વર પરમાર અને હિતેશ જેમલ સોઢાને ઝડપીને તેમની પાસેથી રૂ. 26,650 જપ્ત કરાયા.
- નવી સુંદરપુરી, ધોબીઘાટ વિસ્તાર (પ્રથમ કાર્યવાહી): જાહેરમાં જુગાર રમતા અશોક હરિ પરમાર, અશોક શંકર ડાભી, દિલીપ પ્રભુ પરમાર, ખુશાલ પુંજા પરમાર, મુકેશ શંકર પરમાર, પ્રકાશ કેશા રૂખી અને રોહિત મૂલદાસ વાઘેલાની ધરપકડ કરીને રૂ. 14,950 હસ્તગત કરવામાં આવ્યા.
- નવી સુંદરપુરી, ધોબીઘાટ વિસ્તાર (બીજી કાર્યવાહી): સરકારી શાળા નજીકથી કિશન સેંઘા ચૌહાણ, હિતેશ નરશી સિરેશિયા, હિતેશ મનસુખ વાઘેલા, મુકેશ બબા ચૌહાણ, હરેશ દલપત મકવાણા અને કિશન રમેશ ચૌહાણની અટક કરીને તેમની પાસેથી રૂ. 12,150 જપ્ત કરવામાં આવ્યા.
શિણાયમાં ધાણીપાસા ફેંકતા 6 શખ્સની અટક
શિણાય ગામના ચોકમાં ધાણીપાસા ફેંકીને નસીબ અજમાવતા જુદા-જુદા વિસ્તારના પરેશ જયંતીલાલ શાહ, સરફરાજ મામદ જત, ઉમર ઓસમાણ ગગડા, રાઘવજી કુંવરજી વાઘમશી, લક્ષ્મીચંદ ગોવરમલ ધનવાણી અને મામદ હાસમ સુણાને ઝડપી લઈને પોલીસે તેમની પાસેથી રૂ. 24,350 રોકડા હસ્તગત કર્યા હતા.
આડેસર ગામમાં પણ 6 જુગારીઓની અટકાયત
આડેસરમાં બકુતરિયાવાસમાં ગોપાલ મૂળજી પરમારના મકાન આગળ ખુલ્લામાં જુગાર રમતા દિનેશ ઉર્ફે દયારામ મંગળાભાઇ ઠાકોર, રસુલ અલીમામદ ખલીફા, દિલીપ બાબુ તુવર (વજીર), જાનમામદ અલીમામદ ખલીફા, હકા કરમશી કોળી અને ગોપાલ મૂળજી પરમારની પોલીસે ધરપકડ કરી હતી. તેમની પાસેથી રૂ. 21,400 રોકડા અને ચાર મોબાઈલ ફોન મળીને કુલ રૂ. 41,400નો મુદ્દામાલ જપ્ત કરવામાં આવ્યો હતો.
