ગાંધીધામ ટુડે, ન્યૂઝ : પટના એરપોર્ટ પર 30 મેએ દેશના વડાપ્રધાન નરેન્દ્ર મોદી અને 14 વર્ષીય યુવા ક્રિકેટર વૈભવ સૂર્યવંશી વચ્ચે ખાસ મુલાકાત થઈ. વૈભવે પીએમ મોદીના ચરણ સ્પર્શ કરીને તેમના આશીર્વાદ મેળવ્યા હતા. આ પ્રસંગે વૈભવના માતા–પિતાએ પણ ઉપસ્થિતિ નોંધાવી હતી.
વૈભવ સૂર્યવંશી હાલમાં ઇન્ડિયન પ્રીમિયર લીગ (IPL) 2025ની સિઝનમાં રાજસ્થાન રોયલ્સ (RR) તરફથી રમે છે. તેણે માત્ર 14 વર્ષની ઉંમરે IPLમાં એવો ખેલ બતાવ્યો કે આખું દેશ તેની વખાણ કરતું થયું છે. ખાસ કરીને એક મેચમાં તેણે માત્ર 35 બોલમાં સદી ફટકારી, જેના કારણે તેણે સૌથી ઝડપી સદી ફટકારનારા ભારતીય ખેલાડીઓમાં પોતાનું સ્થાન બનાવ્યું.
પીએમ નરેન્દ્ર મોદીએ પણ પોતાના સોશિયલ મીડિયા પ્લેટફોર્મ X (પહેલાંનું Twitter) પર આ મુલાકાતની તસવીર શેર કરતા લખ્યું: “પટના એરપોર્ટ પર યુવા ક્રિકેટર વૈભવ સૂર્યવંશી અને તેના પરિવાર સાથે મુલાકાત થઈ. તેની ક્રિકેટ સ્કિલની સમગ્ર દેશમાં પ્રશંસા થઈ રહી છે. તેના ભવિષ્ય માટે મારી શુભેચ્છાઓ.”
IPL 2025માં વૈભવે અત્યાર સુધી 7 મેચમાં કુલ 252 રન નોંધાવ્યા છે. તેનો બેટિંગ એવરેજ 36.00 રહ્યો છે અને સ્ટ્રાઈક રેટ 206.55 રહ્યો છે. તેણે 122 બોલમાં 18 ચોગ્ગા અને 24 છગ્ગા ફટકાર્યા છે.
વૈભવના આ દેખાવથી તેઓ ભારતીય ક્રિકેટના આગામી તારાનો આશાવાદ જગાવે છે.
