ખોમેનીએ યુદ્ધની ઘોષણા કરી: “અમે સરેન્ડર નહીં કરીએ, ઈઝરાયલને કરડાતો જવાબ મળશે”

ગાંધીધામ ટુડે, ન્યૂઝ : મધ્ય પૂર્વમાં યુદ્ધની ભણકારા વધુ તીવ્ર બની રહી છે. ઇરાનના સુપ્રીમ લીડર આયાતુલ્લાહ અલી ખોમેનીએ મંગળવારે મોડી રાત્રે ઇઝરાયલ સામે ખુલ્લેઆમ યુદ્ધની ઘોષણા કરીને વૈશ્વિક રાજકારણમાં ધુમ્મસ ઊભું કર્યું છે. ખોમેનીએ તેમના એક્સ (Twitter) પર સ્પષ્ટ લખ્યું:

“યુદ્ધ શરૂ અમે આતંકવાદી ઈઝરાયલને કરડાતો જવાબ આપીશું. દયા નહીં કરીએ. સરેન્ડર નહીં કરીએ.”

ફતહ મિસાઈલથી ઈઝરાયલ પર હુમલો

આ ઘોષણાની સત્યતા બીજા જ દિવસે જોવા મળી. બુધવારે સવારે ઈરાનની લશ્કરી શાખા IRGC (Islamic Revolutionary Guard Corps) એ જણાવ્યું કે તેમણે ‘ફતહ-1’ હાયપરસોનિક મિસાઈલથી ઇઝરાયલ પર હુમલો કર્યો છે.
આ મિસાઈલ અવાજની ગતિ કરતાં પાંચ ગણી ઝડપથી ઉડી શકે છે અને ઇઝરાયલના હવાઈ સંરક્ષણ પ્રણાલીથી પાર થઈ તેના સુરક્ષિત આશ્રયસ્થાનોને નિશાન બનાવ્યાં છે. આ યાંત્રિક શક્તિ ઇરાન માટે વિશિષ્ટ માનવામાં આવે છે.

મૃત્યુઆંકમાં ઉછાળો

વોશિંગ્ટન સ્થિત હ્યુમન રાઈટ્સ જૂથે દાવો કર્યો છે કે આ યુદ્ધના પરિણામે અત્યાર સુધી 585 લોકોએ જીવ ગુમાવ્યો છે અને અંદાજે 1,326 લોકો ઘાયલ થયા છે.
જો કે, ઈરાની સરકારે સત્તાવાર રીતે છેલ્લે સોમવારે માહિતી આપી હતી જેમાં 224 મૃત્યુ અને 1,277 ઘાયલોના આંકડા જાહેર કર્યા હતા. સરકારે ત્યારબાદ હજુ સુધી મૃત્યુઆંકમાં સુધારો કર્યો નથી.

વોટ્સએપ પર પ્રતિબંધ: નવી તકેદારી

ઇરાનમાં યુદ્ધની સાથે નવી માહિતી નિયંત્રણની નીતિ અમલમાં આવી છે. ઈરાની સરકારે નાગરિકોને વોટ્સએપ ડિલીટ કરવાનો આદેશ આપ્યો છે. આશંકા છે કે આ નિર્ણય અમેરિકાના ઈલેક્ટ્રોનિક માધ્યમો દ્વારા થતી દખલગીરી અટકાવવા માટે લેવામાં આવ્યો છે.
આ નિર્ણય ઇરાનની આંતરિક સલામતી માટે કેટલો અસરકારક રહેશે તે તો સમય જણાવશે, પણ એકતરફથી તેને વ્યક્તિગત સ્વાતંત્ર્ય પર હુમલા તરીકે પણ જોવામાં આવી રહ્યો છે.

આંતરરાષ્ટ્રીય સ્થિતિમાં તંગદિલી

આયાતુલ્લાહ ખોમેનીના નિવેદન અને આક્રમણ બાદ વિશ્વભરમાં ચિંતાનો માહોલ છે. યુએસ, યુરોપિયન યુનિયન અને સંયુક્ત રાષ્ટ્ર સંગઠન દ્વારા હજુ સુધી કોઈ ખુલ્લું નિવેદન બહાર પડાયું નથી, પરંતુ વિશ્વશાંતિ માટે હિંડોળાવાળા સંકેતો સ્પષ્ટ રીતે જોવા મળી રહ્યા છે.