ગાંધીધામ ટુડે, ન્યૂઝ : રશિયાના અમુર ક્ષેત્રમાં ઉડાન ભરી રહેલું AN-24 પેસેન્જર પ્લેન અચાનક લાપતા થયું છે. પ્લેનમાં પાંચ બાળકો સહિત 43 મુસાફરો અને 6 ક્રૂ સભ્યો સવાર હતા, એટલે કે કુલ 50 લોકો હતા. સ્થાનિક એર ટ્રાફિક કંટ્રોલ અનુસાર, ઉડાન દરમિયાન પ્લેનનો અચાનક સંપર્ક તૂટી ગયો હતો, અને તે રડાર સ્ક્રીન પરથી ગાયબ થઈ ગયું હતું.
લાપતા થયેલ પ્લેન અંગેની વિગતો
આ પ્લેન સાઇબેરિયાની અંગારા એરલાઇન્સ દ્વારા સંચાલિત હતું. પ્રાદેશિક ગવર્નર વેસિલી ઓર્લોવે જણાવ્યું હતું કે પ્રારંભિક માહિતી મુજબ, પ્લેનમાં કુલ 43 મુસાફરો હતા, જેમાં પાંચ બાળકોનો સમાવેશ થાય છે. આ ઉપરાંત, પ્લેનમાં 6 ક્રૂ સભ્યો પણ હતા.
પ્લેન ચીનની સરહદ નજીક આવેલા અમુર શહેરમાંથી ઉડાન ભરી રહ્યું હતું, ત્યારે જ આ ઘટના બની હતી. ઘટનાની જાણ થતાં જ તમામ જરૂરી સુરક્ષા અને બચાવ દળોને પ્લેનની શોધખોળ માટે તૈનાત કરવામાં આવ્યા છે.
અધિકારીઓ આ ઘટનાના કારણની તપાસ કરી રહ્યા છે અને લાપતા થયેલા પ્લેન અને તેમાં સવાર લોકો વિશે વધુ માહિતી મેળવવાનો પ્રયાસ કરી રહ્યા છે.
