ગાંધીધામ ટુડે: ઉનાળાની મોસમમાં અગ્નિકાંડની ઘટનાઓમાં વધારો જોવા મળે છે, વિશેષ કરીને અનડેવલપ પ્લોટોમાં સુકા કચરા અને બાવળાના કારણે આગ ફાટી નીકળવાની શક્યતાઓ વધી જાય છે. શહેરના રહેણાંક વિસ્તારો નજીક આવેલા આવા ખુલ્લા પ્લોટો ન માત્ર આગ માટે સંવેદનશીલ છે, પરંતુ અસામાજિક પ્રવૃત્તિઓ માટે પણ ઠેકાણું બની રહ્યા છે.
સ્થાનિકો દ્વારા ઉઠી માંગ
શહેરના રહેવાસીઓ અને ખુ્લ્લા પ્લોટ પાસે રહેતા પાડોશીઅો આ સમસ્યાને ઉકેલવા માટે પ્લોટના માલિકોને તેમની જમીન સાફ કરવા વિનંતી કરી છે. પરંતુ પ્લોટો સાફ થતા નથી. તેમનું માનવું છે કે અનડેવલપ પ્લોટોને બિનજરૂરી ઝાડ-ઝાંડી, સુકા પાન અને કચરાથી મુક્ત રાખવા જરૂરી છે, જેથી આગની સંભાવના ઘટાડાય.
જવાબદારી કોની?
આ પ્લોટોની સંભાળ અને વિકાસની મુખ્ય જવાબદારી એસઆરસી અને કેપીટીની છે. જો કે, અનેક પ્લોટ માલિકો પોતાની જમીન માટે જવાબદારી ન લેતા હોવાને કારણે સમસ્યા યથાવત્ રહે છે. તંત્રએ તેમના પર દંડની કાર્યવાહી કરવી જોઈએ તેવી માંગ ઉઠી છે.
લોકોએ તંત્રને કરેલી રજૂઆત
ગાંધીધામના અનેક નાગરિકો અને સામાજિક સંસ્થાઓએ **”ગાંધીધામ ટુડે”**ના માધ્યમથી તંત્ર સમક્ષ માંગણી કરી છે કે તાત્કાલિક અસરથી ખુલ્લા પ્લોટોને સાફ કરી આગની શક્યતાઓ અટકાવવામાં આવે. આ મુદ્દે તંત્રે જો ઝડપથી પગલાં નહીં ભરે, તો ભવિષ્યમાં વધુ ગંભીર ઘટનાઓ સામે આવી શકે છે.
અસામાજિક પ્રવૃત્તિઓ પણ સમસ્યા
ખાલી અને અનડેવલપ પ્લોટો માત્ર અગ્નિકાંડ માટે નહીં, પણ અસામાજિક પ્રવૃત્તિઓ માટે પણ ખતરો બની રહ્યા છે. શરાબખોરી અને અન્ય ગેરકાયદેસર પ્રવૃત્તિઓ આવી જગ્યાઓએ બનતી હોવાની પણ લોકો ફરિયાદ કરી રહ્યા છે.
શહેરીજનોની અપેક્ષા
સ્થાનિકોનો આગ્રહ છે કે તંત્ર દ્વારા પ્લોટ માલિકોને પ્લોટ સાફ કરવા માટે નોટિસ આપવી જોઈએ, તેમજ નિયમિત તપાસ થવી જોઈએ. જો પ્લોટ માલિકો પોતાનો પ્લોટ સાફ ન કરે, તો તંત્રએ જરૂરી કાર્યવાહી કરી અને આવા પ્લોટોને સુચારૂ રીતે વિકાસ માટે ઉપયોગમાં લેવાય તેવું સુનિશ્ચિત કરવું જોઈએ.
