ગાંધીધામ ટુડે, ન્યૂઝ : પવિત્ર શ્રાવણ માસના પ્રથમ સોમવારે ગાંધીધામ-આદિપુર સંકુલના શિવ મંદિરો ભક્તોથી ઉભરાઈ ગયા હતા. વહેલી સવારથી જ શ્રદ્ધાળુઓની લાંબી કતારો જોવા મળી હતી, જેઓ ભોલેનાથના દર્શન અને પૂજા-અર્ચના માટે ઉમટી પડ્યા હતા.
સમગ્ર વાતાવરણ ‘ઓમ નમઃ શિવાય’ અને ‘બમ બમ ભોલે’ના ગગનભેદી નાદથી ગુંજી ઉઠ્યું હતું.
ભક્તોએ શિવલિંગ પર જળ, દૂધ, બીલીપત્ર, ધતૂરો અને વિવિધ પુષ્પો ચઢાવીને મહાદેવની આરાધના કરી હતી. અનેક મંદિરોમાં વિશેષ ભજન-કીર્તન અને આરતીના કાર્યક્રમોનું પણ આયોજન કરવામાં આવ્યું હતું, જેનાથી ભક્તિમય માહોલ વધુ દિવ્ય બન્યો હતો. શ્રદ્ધાળુઓએ શિવજીના આશીર્વાદ મેળવી ધન્યતા અનુભવી હતી.
