ગાંધીધામ ટુડે, ન્યૂઝ : પર્યાવરણના રક્ષણ અને જાગૃતિના ઉદ્દેશ્ય સાથે ભારત વિકાસ પરિષદ અને કચ્છી કલા વિકાસ ટ્રસ્ટ દ્વારા ૧૫ જુલાઈ, ૨૦૨૫ ના રોજ, Sunrise Global School (વૉર્ડ 9AE) અને Jain Ajramar Shri Saraswati Vidyalaya (આદીપુર) ખાતે સફળતાપૂર્વક વૃક્ષારોપણ કાર્યક્રમનું આયોજન કરવામાં આવ્યું હતું.
આ કાર્યક્રમનો મુખ્ય ઉદ્દેશ્ય પર્યાવરણ સંરક્ષણ પ્રત્યે જાગૃતિ લાવવાનો અને વિદ્યાર્થીઓને વધુને વધુ વૃક્ષો વાવવા માટે પ્રોત્સાહિત કરવાનો હતો. આ પ્રયાસ દ્વારા ગાંધીધામ અને કચ્છને વધુ હરિયાળું અને સ્વચ્છ બનાવવાનો સંકલ્પ લેવામાં આવ્યો છે.
કાર્યક્રમની રૂપરેખા અને સહભાગીઓ
This Article Includes
આ કાર્યક્રમમાં ભારત વિકાસ પરિષદ અને કચ્છી કલા વિકાસ ટ્રસ્ટના સભ્યો, બંને શાળાના આચાર્યો, શિક્ષકો અને મોટી સંખ્યામાં વિદ્યાર્થીઓએ ઉત્સાહભેર ભાગ લીધો હતો. બંને શાળાઓમાં વિવિધ પ્રકારના કુલ ૪૪ વૃક્ષોના છોડ રોપવામાં આવ્યા હતા.
વિદ્યાર્થીઓ દ્વારા પર્યાવરણ સુરક્ષાની પ્રતિજ્ઞા
વિદ્યાર્થીઓએ વૃક્ષોની જાળવણી કરવાની અને “હરીયાળું ગાંધીધામ, સ્વચ્છ ગાંધીધામ” ના સૂત્ર સાથે ગાંધીધામ અને કચ્છને હરિયાળું અને સ્વચ્છ રાખવાની પ્રતિજ્ઞા લીધી હતી. આ કાર્યક્રમની સૌ ઉપસ્થિતોએ સરાહના કરી હતી અને ભવિષ્યમાં પણ આવા પર્યાવરણીય કાર્યક્રમોમાં સહભાગી થવાની પ્રતિબદ્ધતા વ્યક્ત કરી હતી.
