ગાંધીધામ ટુડે, ન્યૂઝ : અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે ફરી એકવાર ભારત અને પાકિસ્તાન વચ્ચેના સંઘર્ષના નિવારણનો શ્રેય પોતાના પર લેતાં વિવાદાસ્પદ નિવેદન આપ્યું છે. તેમણે સ્પષ્ટ શબ્દોમાં જણાવ્યું કે, જો ભારત અને પાકિસ્તાન વચ્ચે યુદ્ધ થાય છે, તો અમેરિકા કોઈપણ વેપાર કરાર નહીં કરે.
ટ્રમ્પે જણાવ્યું કે, “અમેરિકા ભારત અને પાકિસ્તાન બંને સાથે વેપાર કરાર કરવા જઈ રહ્યું છે. આ બંને પરમાણુ શક્તિ ધરાવતા દેશો વચ્ચે ગોળીઓના બદલે વેપાર દ્વારા વાતચીતને આગળ વધારવામાં અમે સફળ રહ્યા છીએ. મારા મત પ્રમાણે, યુદ્ધ ટાળવામાં અમે મોટી ભૂમિકા ભજવી છે.” ટ્રમ્પનું આ નિવેદન તેણે એરફોર્સ વનમાંથી જોટન્ટ બેઝ એન્ડ્ર્યુઝ ખાતે આપ્યું હતું.
તેણે વધુમાં ઉમેર્યું કે, “અમે બંને દેશો વચ્ચે સત્તાવાર કરાર માટે નજીક આવી ગયા છીએ. જો બંને વચ્ચે ફરી તણાવ સર્જાય તો હું કોઈ પણ પ્રકારના કરારમાં રસ નહીં લઉં.”
ભારતનો સ્પષ્ટ ઈનકાર
This Article Includes
ભારતે ટ્રમ્પના દાવાનો પાટો પાડી દીધો છે. વિદેશમંત્રી એસ. જયશંકરે 22 મેના રોજ સ્પષ્ટ રીતે જણાવ્યું કે, “ભારત અને પાકિસ્તાન વચ્ચે થયેલ સંઘર્ષ વિરામમાં કોઈપણ તૃતીય પક્ષની ભૂમિકા રહી નથી. આ સમજૂતી બંને દેશો વચ્ચે સીધી વાતચીત દ્વારા થઈ છે.”
ટ્રમ્પે 21 દિવસમાં 10 વખત કર્યો દાવો
ટ્રમ્પ છેલ્લા 21 દિવસમાં 10 વાર આવા દાવા કરી ચૂક્યા છે કે તેમણે ભારત અને પાકિસ્તાન વચ્ચે યુદ્ધ ટાળાવાયું. તાજેતરમાં ઈલોન મસ્ક સાથેના વિવાદ બાદ યોજાયેલી પ્રેસ કોન્ફરન્સમાં પણ ટ્રમ્પે પૃથક રીતે એવો દાવો કર્યો હતો કે, “મેં લડાઈ રોકાવી.”
ભારત-અમેરિકા વેપાર કરારની તૈયારી
ટ્રમ્પના આ દાવાઓ વચ્ચે ભારત અને અમેરિકા વચ્ચે વેપાર કરાર માટે ચર્ચાઓ આગળ વધી રહી છે. સૂત્રો મુજબ, 25 જૂન સુધીમાં બંને દેશો વચ્ચે વચગાળાનો વેપાર કરાર થઇ શકે છે. ભારતીય વાણિજ્ય મંત્રી પીયુષ ગોયલ આ માટે ગયા અઠવાડિયે વોશિંગ્ટન પ્રવાસે ગયા હતા અને તેમણે વાણિજ્ય સચિવ હૉવર્ડ લુટનિક સાથે બે વખત બેઠક યોજી હતી.
ટેરિફ મુદ્દે નરમાઈ: 2 એપ્રિલે અમેરિકાએ ભારત પર 26% પ્રતિસાદી ટેરિફ લાદી હતી, જે હવે 9 જુલાઈ સુધી સ્થગિત રાખવામાં આવી છે. જોકે, ભારતીય ઉત્પાદનો પર 10% આધારભૂત ટેરિફ હજુ યથાવત છે.
